ŞƏHİD GENERAL

Bir şirin canı vardı, qorumadı

Dedi Vətənə qurbandı general.

İrəli, bir addım geri çəkilmədi,

Dedi qanım da halaldı general.

Anası həmin andaca qocaldı,

Evi, uşağı gözü yaşlı qaldı.

Şəhid qanıyla suvarıldı Vətən

Dostun, düşmənin gözündə ucaldı.

Haqlı intiqam haqdır, Haqdan gəlir

Şəhid generalın səsi yüksəlir:

İntiqam, intiqam, yenə intiqam

Qəbrim yanır, nə vaxt rahat yatacam?!

Vətən oğlu, indi də söz sənindir

Ağlayan uşağın göz yaşı sənin,

Qocalan ananın yüz yaşı sənin,

Şəhid qəlbində yanan köz sənindir...

Qalib ARİF